Mission Impossible...

Dear Nidhi,

To sarkaar aap wapas Ahemadabad pohonch hi gaye. Good. Very Good. Waise bhi Delhi aapke layak nahi hai. Tabiyat kharaab ho jaati hai yaar. Is pollution se aur bakwaas se weather se hum jaise Bond nahi bach paye, to aap jaisi naazuki kaise bach paati bhala.

Yaar Last Saturday ka din to mai apni poori zindagi me kabhi nahi bhool paaoonga.
Tujhe pata hai tujh tak pohonchne me maine us din apni poori jaan lada di thi.
Par nahi, jab bhi mai ek zabardast koshish karta hu, ek zabardast tel to mera hota hi hai.

Us din bhi hua. Aur us din bahot hi bura tel hua mere saath.

Hua yu ke us din subah subah humne apne haatho se badhiya si bhindi ki sabzi aur roti banai, ye sochkar ke Nidhi Mam ko bahot pasand hai. Fir ek haath me tiffin aur doosre me hamare company ke evaluation scores and Post it stickies lekar lagbhag 12.30 pm ko ghar se chal pade railway station ki or. Aapko phone lagaya to pata chala ke aap lunch pe gayi hai. Tejas se pata chala ke tum sab log Ashram se jaa rahe ho. Jaldi jaldi office ki cab pakadker mai New Delhi Railway Station pohoncha. Time theek 2.00 pm. Socha Nidhi Mam se ek ghanta baat ho jayegi. Par kise maaloom tha ke aisa hona nahi tha. Railway station pe jabardast bheed. Itna rush ke kya bataoo. Jaise taise line me lagker maine Platform ticket liya ke utne me mujhe aisa laga ke meri jeans me jo cell phone hai, woh shaayad baj raha hai. Crowd and noise ki wajah se ring tone ki aawaz kam si lag rahi thi. Jaise taise cell phone pocket se nikaala, ke call disconnect ho gayi. Usi waqt palatke humne call kiya to pata chala ke koi ladki ka call tha, matlab ke aapka. But aap to sarkaar wahan se jaa chuke the. Chalo koi baat nahi.

Platform ticket lekar hum pohonche, enquiry counter, ye pata karne ke liye ke Aashram kaonse platform se jaati hai. Enquiry wala ye kehkar chala gaya ke ye railway station hai, koi aashram nahi. Gussa to aisa aaya ke lagaoo use ek kheechke, per nahi ab hum corporate world wale hai, Isilye tameez se pesh ana majboori si ho gayi hai. Le de ke kisi tarah se station ke under aaya to ek coolie se poocha ke Aashram exp kaonse platform se jati hai. Woh bola ke yaha se nahi jaati. Usi waqt Tejas ko phone lagaya aur tab pata chala ke Aashram Exp to New Delhi Railway station se nahi balke Old Delhi Railway station se jaati hai. Oh God time kya hua? Oh no 2.05pm .

Usi waqt bhaga aur ek auto board kiya. Auto wale ko bola ke bhai jitni jaldi ho sake Old Delhi railway station pohoncha do. Sardar Uncle the. Bilkul hi filmi style me Bole so nihal kiya aur zabardast signal todte huye, saare traffic ki aisi taisi karte huye, kai two wheelers ko cut maarte huye, jaan bilkul hatheli pe lete huye, Usne mujhe Nizamuddin Railway station aakir pohoncha hi diya. Time 2.33 minute. Jaan me Jaan aayi, issliye nahi ke accident nahi hua. Balke isliye ke kum se kum aadha ghanta hi sahi, Nidhi Mam se mil to loonga. Usi waqt call kiya Tejas ko, ke hum pohonch gaye hai, platform bataiye. Platform Number 16. call disconnected. Platform number 16 search shuru. Per ye kya. Platform 7, 8, 9, 10 ke baad wale platform kahan hai. 16 to door ki baat, 11 aur 12 hi dikh jaate to theek hota. Coolie, mera dost!
"Yaar ye platform 16 kaha hai."

"nahi saab yaha nahi hai".

Tejaaaaas ye kya ho raha hai.

Socha fir se phone milata hu Tejas ko. Arere yeh kya, mera cell phone network catch kyu nahi kar raha hai? Oh God! Ise bhi abhi down hona tha.

" kaunsi gaadi se jaana hai saab?"

" Ashram Exp"

" saabji wo to purani Delhi railway station se jaati hai."

"kya matlab? ye puraani Delhi railway station nahi hai kya"

" saabji ye to Hazrat Nizammuddin railway station hai. Puraani Delhi railway station to doosra hai."

Oh my Godddddddddddd!!!
time 2.37 pm.
Bhago!!!!!!

Sardaaaaaaaarji! 12.00 bajne wali baat samajh me aati hai, per kya 2.00 se 3.00 baje bhi aap logo ka dimaag nahi chalta kyaaaaaaaaa?

Firse ek Auto. Chalo koi baat nahi ek aur risk.

" Auto, Old delhi railay station Kitne der me pohochayega."

"Sir paon ghanta to lagega."

"Dekh bhai, 3.05 pm ki train pakadni hai. kya bolta tu."

"Sirji aap saath doge to samay pe pohocha doonga."

"Diya bhai, tujhe maine apna sabkuch diya. Bus tu samay se pehle pohocha de. Per ek baat bata, Delhi me koi chautha railway station bhi hai kya?"

"Sirji aapto joke marne lage."

" Abe joke ne mujhe maara hai. Tu auto chala"

Fir se chala auto aeroplane ki tarah. Kabhi bhi kuch bhi ho sakta tha. Ya to auto se takrakar truck chaknachoor ho sakta tha, yaa fir traffic police ka accident bhi ho sakta tha. Per Nidhi se to aaj mai milke hi rahoonga. Wow! what an optimism! Good Rishi Good. After all blood group bhi tera B positive hi to hai. Fir to tu positive hi think karega na.

"Are bhai. Hospital to nahi pohochayega na"

" pohonch bhi sakte saab, bolo to auto rok doo."

" Auto nahi rukna chahiye. The show must go on."

"Nidhi mai aaa raha hu."

Oh No ! I hate Delhi. This time Traffic jam. "sirji, sirf thodi door hai, per jaaaam lag gaya hai."

Bakwaaas!

Time 2.54 pm. Sirf saat minute baaki hai.

" Suno bhai, station ka raasta bolo"

"sirji, left le lo aur thodi door chalo to station aa jayega. Chalte chalte jaaoge to 10 se 15 minute lag jaayenge."

Rishi beta, aaaj is traffic me tujhe aise bhagna hai ke saare world records toot jaye. On your mark 1, 2, 3......ZOOOOOOM.

Kitne gire, pata nahi. Kitno ko cut maara ye bhi pata nahi. Kyuki mai to bhaag raha tha.

Aur ye pohoncha mai Old Delhi Railway Station. Platform ticket baadme dekhenge. pehle platform 16 dekhle bhai.

Time 3.01 pm. chal beta Rishi, 3-4 minute hi sahi. Nidhi Mam se mil to le. Platfor..........

" Aiye. Ruk. Pakdo Use Pakdo. Ruk..."

" Arere ye kya kar rahe ho bhai. "

" Chupchap haath uper karo, aur bhagne ki koshish mat karna.."

" Arere, per maine kiya kya hai ..."

" Chup! jyada zabaan mat lada nahi to lock up me itni dhulai hogi ke saari akad nikal jaayegi"

Oh my God! what is this. Police kaise kya pakad li yaar.

" Dekhiye. Mai yaha kisise milne aaya hu. Train Chootne me sirf 2-3 minute reh gaye hai. Please aapko jo bhi checking karni hai baaadme kar lijiyega. Mera aashram express pakadna bahot jaroori hai."

" Ekdam chup reh le. Jitna pooche utna hi bolna. issme kya hai?"

" Bhindi ki sabzi aur Roti hai."

" Aur kya hai "

" aam ka aachar bhi hai"

" kholke dikha"

" dekh lo"

" Iski talashi lo..... Ye kya hai?"

" meri company ka ID card hai"

" Saabji aap CONBADGYS me kaam kadte ho kya"

" haan"

" Ade saabji, Pehle bata dete, to aapko padeshaani nahi hoti. Meda ladka bhi wahi pad kaam kadta hai. Driver hai. Jayiye shaabji. Galti ho gayi. Inko jaane do bhai"
Oh God ! I hate Delhi.

time 3.07 pm. bhaaago.

Platform number 16. Ashram Express Chal padi hai. Rishi Daud raha hai. Nidhi use nahi dikh rahi hai.

Aur ye lagaya Rishi ne Train ke aakhri dabbe ko apna haath.
Maano Nidhi ko Goodbye keh raha ho.

Train speedy ho gayi. Kuch der me aankho se ojhal bhi ho gayi.

Rishi platform benches pe baitha baitha sa reh gaya. Kabhi tiffin ko dekhte huye to kabhi scoresheets ko dekhte huye, ek ghante tak usi platform bench per baitha baitha sirf ek hi mantra ka uccharan kar raha tha.

" I hate Delhi. I simply hate Delhi. I will not like Delhi any more, even in future."

traffic jams,

routine check ups,

nasamjh sardarji,

and itne saare railway stations.

Huh ! Bakwaaaaaaaaaas!

Office ki cab pakdi aur seedhe office. Half day me login kiya. Pure paanch sale maari, matlab ki paanch dollar kamaye. Kai Adjustments issue kiye. Raatme ghar gaye.
Tiffin khola aur khud bhindi ki sabzi ke saath roti aur aachar kha liya.
"Sahi bane the yaar. "

"I love bhindi ki sabzi. But I hate Delhi"

Bond ka bhale hi MISSION IMPOSSIBLE ho gaya ho, per Bond ab bhi haar nahi manega.

Agli baaar pooori jaaaaan lada dooonga. Dekh lena.

"Has le yaar tu bhi has le"

waise bhi mai chahta hu ki meri kahani me hamesha happy ending hi ho.
kahani khatm hui ya fir shuru hui pata nahi,
per tu aajka ek naya Sher padh

Arz kiya hai,

" Shaam se aaj saans bhari hai
Bekarari hai! Bekarari hai!
Apke baad har ghadi Humne
Aaphi ke saath Guzaari hai."

--Adab arze.

Take Good Care of Yourself. And Do miss me

Aur mera birthday yaad aaya ki nahi. Ek hint deta hu.
Mera birthday abhi tak 2003 me aaya nahi hai.

Good Bye.
Have Nice Times
Enjoy!!!
BOND